TAARIFA YA JESHI LA POLISI MKOA WA MWANZA KWA VYOMBO

SACP: AHMED MSANGI
KAMANDA WA POLISI (M) MWANZA
 
ZAIDI YA VIBANDA 400 VINAVYOTUMIWA KAMA MAKAZI YA WAVUVI PINDI WANAPOKUWA KATIKA SHUGHULI YA UVUVI VIMETEKETEA KWA MOTO WILAYANI SENGEREMA.WATU WAWILI WANASHIKILIWA NA JESHI LA POLISI BAADA YA KUKAMATWA NA BHANGI KATIKA WILAYA YA NYAMAGANA NA ILEMELA
 
KWAMBA TAREHE 20.06.2016 MAJIRA YA SAA 18:30HRS JIONI KATIKA ENEO LA MCHANGANI KIJIJI NA KATA YA BUHAMA TARAFA YA BUCHOSA WILAYA YA SENGEREMA MKOA WA MWANZA, ZAIDI YA VIBANDA 400 VINAVYOTUMIWA KAMA MAKAZI YA WAVUVI PINDI WANAPOKUWA KATIKA SHUGHULI YA UVUVI VIMETEKETEKEA KWA MOTO NA KUPELEKEA HASARA YA VITU NA MALI ZILIKUEPO NDANI YA VIBANDA HIVYO.
 
INADAIWA KUWA MOTO HUO ULIWASHWA NA MVUVI ALIYEJULIKANA KWA JINA MOJA LA FRANK MKAZI WA ENEO HILO LA VIBANDA VYA MCHANGANI ALIYEWASHA MOTO KWA AJILI YA KUCHOMA UTITIRI KWENYE KIBANDA CHAKE KILICHO TENGENEZWA KWA MABANZI NA NYASI KISHA MOTO HUO KULIPUKA NA KUSAMBAA KATIKA VIBANDA VINGINE.
 
AIDHA INASEMEKANA KUWA MOTO HUO ULIWEZA KUSAMBAA KWA HARAKA KATIKA VIBANDA HIVYO, KUTOKANA NA VIBANDA HIVYO KUTENGENEZWA KWA NYASI NA SANDARUSI HALI ILIYOPELEKEA WATU KUSHINDWA KUUZIMA NA KUTEKETEZA MALI ZA WAVUVI HAO.
 
THAMANI YA MALI NA VITU AMBAVYO VIMETEKETEA KWA MOTO HUO BADO HAIJAFAHAMIKA, MTUHUMIWA WA TUKIO HILO AMETOROKA, JESHI LA POLISI LINAENDELEA NA JITIHADA ZA KUMSAKA NA KUWEZA KUMTIA NGUVUNI MTUHUMIWA TAJWA HAPO JUU, LAKINI PIA UCHUNGUZI NA UPELELEZI KUHUSIANA NA TUKIO HILO BADO UNAENDELEA.
 
KAMANDA WA POLISI MKOA WA MWANZA KAMISHINA MSAIDIZI MWANDAMIZI WA POLISI AHMED MSANGI ANATOA WITO KWA WAKAZI WA JIJI NA MKOA WA MWANZA AKIWATAKA KUJITAHIDI KUTENGENEZA NA KUJENGA MAKAZI SALAMA AMBAYO YATAWEZA KUZUI KUTOKEA KWA AJALI ZINAZOWEZA KUEPUKIKA.
 
KATIKA TUKIO LA PILI
 
MNAMO TAREHE 21.06.2016 MAJIRA YA SAA 14:00HRS MCHANA KATIKA ENEO LA NYASAKA WILAYANI ILEMELA JIJI NA MKOA WA MWANZA, ASKARI WAKIWA KWENYE MISAKO PAMOJA NA DORIA WALIFANIKIWA KUMKAMATA HASSAN SALUM MIAKA [32] MKAZI WA NYASAKA AKIWA NA MADAWA YA KULEVYA AINA YA BHANGI KILO 100 KITENDO AMBACHO NI UVUNJWAJI WA SHERIA NA TARATIBU ZA NCHI.
 
AIDHA INADAIWA KUWA MTUHUMIWA ANAJIHUSISHA KATIKA BIASHARA HIYO KWA MUDA MREFU KATIKA MAENEO HAYO TAJWA HAPO JUU AKISHIRIKIANA NA WENZAKE, NDIPO JESHI LA POLISI LILIWEZA KUPOKEA TAARIFA ZA KIINTELIJENSIA NA KUWEZA KUMTIA NGUVUNI MTUHUMIWA TAJWA HAPO JUU.
 
KATIKA TUKIO LINGINE WAKATI ASKARI WANAENDELEA NA MISAKO MAJIRA YA SAA 14:30 KATIKA ENEO LA NYAKATO NUNDU WILAYANI NYAMAGANA, ASKARI WALIWEZA KUMKAMATA MESHACK NICOLAUS MIAKA 26 MKAZI WA NYAKATO AKIWA NA MADAWA YA KULEVYA AINA YA BHANGI KILO 100 KITENDO AMBACHO NI KINYUME NA SHERIA NA TARATIBU ZA NCHI.
 
INASEMEKANA KUWA MTUHUMIWA AKISHIRIKIANA NA WENZAKE HUJIHUSISHA NA UVUTAJI PAMOJA NA BIASHARA YA BHANGI KATIKA MAENEO TAJWA HAPO JUU, NDIPO JESHI LA POLISI LILIWEZA KUPOKEA TAARIFA KUTOKA KWA RAIA WEMA NA KUFANIKIWA KUMKAMATA.
 
WATUHUMIWA WOTE WAWILI WAPO CHINI YA ULINZI WA JESHI LA POLISI HUKU MAHOJIANO DHIDI YA UHALIFU WA KUJIHUSISHA NA MADAWA YA KULEVYA YAKIENDELEA, JESHI LA POLISI LINAENDELEA NA UPELELEZI PAMOJA NA UCHUNGUZI KUHUSIANA NA MTANDAO WA WATU WANAOSHIRIKIANA NA WAHALIFU HAO KATIKA UTEKELEZAJI BIASHARA HIYO YA MADAWA YA KULEVYA, PINDI UCHUNGUZI UKIKAMILIKA WATUHUMIWA WOTE WAWILI WATAFIKISHWA MAHAKAMANI.
 
KAMANDA WA POLISI MKOA WA MWANZA KAMISHINA MSAIDIZI MWANDAMIZI WA POLISI AHMED MSANGI ANATOA WITO KWA VIJANA WA JIJI NA MKOA WA MWANZA AKIWATAKA KUACHA TABIA YA KUJIHUSISHA NA BIASHARA HARUMU YA MADAWA YA KULEVYA AMBAYO YATAWALETEA MATATIZO NA KUSHINDWA KULILETEA TAIFA MAENDELEO, NA KATIKA HILO JESHI LA POLISI LIMEJIPANGA VIZURI KUHAKIKISHA LINAWATIA NGUVUNI WALE WOTE WANAOJIHUSHISHA NA BIASHARA HARAMU YA MADAWA YA KULEVYA YA AINA ZOTE.
 
IMESAINIWA NA:
SACP: AHMED MSANGI
KAMANDA WA POLISI (M) MWANZA
TAARIFA YA JESHI LA POLISI MKOA WA MWANZA KWA VYOMBO TAARIFA YA JESHI LA POLISI MKOA WA MWANZA KWA VYOMBO Reviewed by WANGOFIRA on 20:46:00 Rating: 5

No comments:

Powered by Blogger.